یه‌كێتی نیشتمانی كوردستان و پارتی دیموكراتی كوردستان دوای ڕووداوه‌كانی(١٦)ی ئۆكتۆبه‌ر بۆ یه‌كه‌مجار له‌ئاستێكی باڵادا كۆبونه‌وه و جه‌ختیان کردەوە لە پتەوکردنی پەیوەندییەکانی نێوانیان و هەوڵدان بۆ چارەسەرکردنی کێشەکانیان لەگەڵ عێراق.
دوای کۆبوونەوەکەیان کە لە سلێمانی بەڕێوەچوو هەریەکە لە نێچیرڤان بارزانی جێگری سەرۆکی پارتی و مەلا بەختیار لە یەکێتی نیشتیمانی کوردستان لە کۆنگرەیەکی رۆژنامەوانیدا ناوەڕۆکی گفتوگۆکانیان خستەڕوو.
لە کۆنگرە رۆژنامەوانیەکەدا نێچیرڤان بارزانی جەختیکردەوە لە پتەوکردنی پەیوەندی نیوان هەردولایا لە لایەک و یەکڕیزی نێوان لایەنە کوردیەکانی ناوخۆی هەرێمی کوردستان لە لایەکی تر.
هەر لەو کۆبوونەوەیەدا مەلا بەختیار باسی هەوڵەکانی یەکێتی و پارتی بۆ دانوستان لەگەڵ بەغدا و چارەسەرکردنی کێشەکانی نێوان هەردولا کرد.
لە دوای ١٦ی ئۆکتۆبەرەوە ئەمە یەکەم کۆبونەوەی هاوبەشی یەکێتی و پارتیە کە لەو ئاستەدا ئەنجامدەدرێت، کە بەهۆی روداوەکانی ئەو کاتەوە ساردی
کەوتە نیوان هەردولایەنەوە.
Your browser doesn’t support HTML5
ڕاپۆرتی\ڕێباز مه‌جید