ڕێبوار کەریم وەلی: وەڵامەکەی دژە تێرۆر پەلاماردانی نێچیرڤان بارزانی بوو نەک من

وتارەکەی ڕێبوار کەریم وەلی وەک نووسەرێک و شیکەرەوە لە تۆڕی میدیایی ڕووداو، سەبارەت بە نووسینی وتارێک و سەرنجدان لەوەی کە کابینەی نۆیەمی حکومەتی هەرێم کابینەیەکی لاواز دەبێت، هەروەها سەرنجدان لە ڕووداوەکەی چێشتخانەکەی هەولێر و کەموکورتی دەزگاکانی ئاسایش.

لە بەرامبەردا وەڵامیکی توندی ئەو وتارە لە لایەن ئەفسەرێکی دژە تیرۆری سەر بە پارتی دیموکرات درایەوە لە ماڵپەڕی فەرمی ئەو دەزگایە بڵاوکراوەتەوە، هەروەها وەک ئاماژەیەکیش لەو وتارەدا هاتووە "کابینەی حکومەتی هەرێم لاواز دەبێت، چونکە خۆی و ئاغاکەی لە هاتنە کایەی حکومەتێکی بەهێز دەترسن."

لە نێو پارتی دیموکرات سەرەڕای بوونی دەسەڵاتێکی ناوەندی باڵا کە مەسعود بارزانی سەرۆکی پارتەکە سەرۆکایەتی دەکات، لەم چاوپێکەوتنەی ڕێبوار وەلی کە لە سویدەوە لەگەڵمان سازداوە، باسی ئەو باڵ باڵینەی ناو پارتی دەکات، کە تا ئێستا سەرۆکی پارتەکە مەسعود بارزانی هێشتوییەتیەوە.

لەو بارەیەوە دەڵیت "لە 20 ساڵی رابردوو تەقینەوەکەی ناو پارتی لەم رێگەیەوە بوو، من دەڵێم گیسکە گوناهەکە من دەرچووم. روونتر دەکرا بەزۆر شێوەی تر ئەم کێشانە لە نێو پارتیدا بتەقنەوە، ئەو جۆرە وتارە بەرامبەر یەکتر بەکار بهێنن، دەمێکە ئەو قسانەم لەو باڵانەی پارتی بیستووە، یەکەم کەسیش بووم وتومە لە ناو پارتیدا باڵ باڵینە هەیە، لە کۆنگرەی 13 ی پارتی رێک ئەو دابەش بوون و جیاکارییە دیار بوو، بەبەرچاوی خۆم بینیم چۆن باڵەکەی نێچیرڤان بارزانی لە کۆنگرەدا پان کرانەوە. تائێستا ئەو مەرکەزییەتە بەهێزەی لە ناو پارتیدا هەیە کە بەڕیز مەسعود بارزانی سەرکردایەتی دەکات دۆخەکەی هێشتووەتەوە، بووەتە هۆی داپۆشینی بەشیک لە ململانێکان. ئیستا قۆناغێک دەستی پێکردووە، رەنگە وجودی کاک مەسعود ئەگەریش بە تەواوەتی نەتوانێت عادیلانە لەگەڵ ئەم روداوە نوێیە مامەڵە بکات، هێڵێکی روون نەبێت لە دەسەلات دارێتی لەناو پارتیدا رەنگە خرابتر روو بدات."

سەبارەت بە وتارەکەی دژەتیرۆر ریبوار دەڵێت "من پێم وایە ئەو وەڵامدانەوەیە ئەوەندەی پەلاماردانی من بێت، پەلاماردانی بەڕیز نێچیرڤان بارزانییە، وەک سەرۆکی هەرێم و جێگری سەرۆکی هەرێم و 4 خولیش سەرۆکی حکومەتی هەرێم، من نایخەمە سەر خۆم، بەڵام پێم ناخۆشە پەلاماردانی سەرۆکی هەرێمی کوردستان لە لایەن خودی پارتییەوە، کە جێگری سەرۆکی پارتیشە، بەشتێکی سەیرو سەمەر دەبینم."

وتووێژ لەگەڵ ڕێبوار کەریم وەلی