سه‌ره‌ك وه‌زیرانی عێراق نوری ئه‌لمالیکی داواکاری ئه‌نجومه‌نی پاریزگای سه‌ڵاحه‌دینی ڕه‌تکرده‌وه بۆ بوونه به هه‌رێمێکی فیدراڵی. کوتله‌ی عێراقییه که خاوه‌نی زۆرینه‌ی کورسییه‌کانی ئه‌نجومه‌نی پارێزگاکه‌ن، کۆمه‌ڵێک داواکارییان ئاڕاسته‌ی حکومه‌تی عێراق کردووه و هه‌ڕه‌شه‌ی ئه‌وه‌شیانکردوه، گه‌ر وه‌ڵامیان نه‌درێته‌وه، ئه‌وا رێوشوێنی پێویست ده‌گرنه‌به‌ر بۆ راگه‌یاندنی به‌هه‌رێمبوونی پارێزگاکه‌یان.
ژماره‌یه‌ك شێکه‌ران ده‌ڵێن سه‌ره‌ك وه‌زیرانی عێراق داواکاریـیه‌که‌ی پارێزگای سه‌ڵاحه‌دینی ڕه‌تکردووه‌ته‌وه چونکه مه‌ترسی ده‌کات له پارچه پارچه‌کردنی عێراق.
بۆ تاووتوێکردنی ئه‌م مه‌سه‌له‌یه هاوکارمان شایان پاشا گفتوگۆیه‌کی کرد له‌گه‌ڵ د. نه‌ژده‌ت ئاکره‌یی پرۆفیسور له زانگوی سه‌ڵاحه‌دین له پاریزگای هه‌ولێر.
ده‌توانن له ڕێی کلیککردنی ئه‌و فایله ده‌نگیه‌ی سه‌روه‌ی ده‌سته چه‌پ گوێبیستی ته‌واوی گفت و گۆکه بن که ماوه‌که‌ی5:47 خوله‌که.