وتەبێژێکی حکومەتی پۆڵەندا دەڵێت سەرۆک وەزیری پۆڵەندا ماتێیوش مۆرڤیێتسکی داوای کۆبوونەوەیەکی بەپەلەی لیژنەی ئاسایشی نیشتیمانی و کاروباری بەرگری وڵاتەکەی کردووە.
لیژنەکە کە پێکهاتووە لە وەزیرانی بەرگری و ناوخۆ و داد و دەرەوەی وڵاتەکە و ڕێکخەری دەزگاکانی هەواڵگری پۆڵەندا، ئەنجومەنێکە کە بڕیارەکان سەبارەت بە ئاسایشی نیشتیمانی و بەرگری ئامادە دەکات و ڕێکییان دەخات.
وتەبێژی حکومەتەکەی پۆڵەندا پیۆتر مولەر ئاماژەی بەوە نەدا لیژنەکە بە نیازە تاوتوێی چی بکات.
ڕۆژی سێشەممە ڕووسیا بۆردومانی شار و ژێرخانەکانی وزەی سەرانسەری ئۆکرانیای کرد، لانیکەم کەسێک بەهۆی هێرشەکانەوە کوژرا و بووە هۆی پچڕانی هێڵەکانی کارەبا لە زۆربەی ناوچەکانی وڵاتەکەدا.
سەرچاوە/ ڕۆیتەرز
سەرۆک وەزیری پۆڵەندا داوای کۆبوونەوەیەکی بەپەلەی لیژنەی ئاسایشی نیشتیمانی وڵاتەکە دەکات
سەرۆک وەزیری پۆڵەندا ماتێیوش مۆرڤیێتسکی