بەپـێی هەواڵەکان داعش لە شاری ڕەققە کەوتووەتە هەڕەشەکردن لە کوردەکانی شارەکە و فەرمانی پـێکردوون چۆڵی بکەن، ئەگەر نا ئەوا خۆی بۆ شوێنی دیکە ڕاگوێزیان دەکات.
محەمەد ڕەمێ کە کوردێـکی شاری ڕەققەیە و بەخۆی و منداڵەوە گەیشتووەتە شـاری گرێ سـپی، بە دەنگی ئەمەریکای گوت داعش لە ڕێگەی بڵندگۆی مزگەوتەکانەوە پـێی گوتوون شارەکە چۆڵ بکەن.
پاشان گوتویەتی پاش ڕزگارکردنی گرێ سپـی و عەین عیسا، داعش ترسێـکی زۆری لێ نیشتووە و خەندەقێکی زۆری لە دەوری شارەکە هەڵکەندووە و جادەکانی بەرەو شارەکە دەچن بۆمبڕێژ کردووە.
هاوکات ئاوارەبوونی کوردانی ڕەققە، بە هەزاران لە ئاوارەی گرێ سـپی لە تورکیا بۆ شارەکەیان دەگەڕێنەوە. پەیامنێرمان دەڵێت ڕۆژی دووشەممە 2700 کەس گەڕاونەتەوە و سێشەممە 2200 کەس و چوارشەممە هەتا ئامادەکردنی ئەم هەواڵە 1900 کەس. دەڵێت ئەم ژمارانە منداڵان ناگرێتەوە.
لە لایەکی دیکە خێزانێـکی کورد کە لە ڕەققەوە بەرەو کۆبانی بەڕێکەوتبوون مینێکیان پـیادا تەقیوەتەوە و لە ئەنجامدا 5 کەسی سیڤیل گیانیان لەدەسـتداوە.
درێژەی ڕاپـۆرتەکەی زانا عومەر لەم فایلە دەنگیـیەدایە.
Your browser doesn’t support HTML5
ڕاپـۆرتی زانا عومەر