وەزارەتی ناوخۆ و پارێزراویی کۆریای باشوور دەڵێت بەهۆی هەرەسهێنانی زەوی و لافاوەوە لە وڵاتەکەدا 22 کەس گیانییان لە دەستداوە و 14 کەس بێسەروشوێنن و هەزاران کەسی دیکەش ماڵەکانییان چۆڵ کردووە، لە کاتێکدا کە باران بارینی بەخوڕ بووەتە هۆی هەرەسهێنانی زەوی و ڕژانی ئاو لە بەنداوێکەوە.
وەزارەتەکە وتی 4,763 کەس لە سەرانسەری وڵاتەکەدا گواستراونەتەوە، لە کاتێکدا کە بەنداوەکەی هەرێمی نۆرث چونگچیۆنگ ئاوی لێڕژاوە.
بەڕێوبەرایەتی کەشناسی کۆریا وتی پێشبینی دەکرێت ژمارەی گیان لە دەستدانەکان زیاتر ببێت چونکە پێشبینی دەکرێت ڕۆژی یەکشەممە باران بارینێکی بەخوڕ لە نیمچە دوورگەی کۆریا ببارێت.
سەرۆک وەزیری کۆریای باشوور هان دوک سوو داوای لە سوپا کرد چالاکانە بەشدار بێت لە ئەرکەکانی فریاکەوتندا.
سەرچاوە/ ڕۆیتەرز
