وەزارەتی بەرگری بەڕیتانیا دەڵێت سەرۆکی ڕووسیا ڤلادیمیر پوتن ڕەنگە لە 30 ی مانگی نۆدا لە میانەی وتارەکەیدا بۆ پەرلەمانی وڵاتەکە زیادکردنی هەرێمە داگیرکراوەکانی ئۆکرانیا بۆ سەر فیدراسیۆنی ڕووسیا ڕابگەیەنێت.
وەزارەتی بەرگری بەڕیتانیا گوتی ڕیفراندۆمەکان ئێستا لە ناو ئەم ناوچانەدا بەڕێوە دەچن و بڕیارە لە 27 ی مانگی نۆدا کۆتاییان پێبێت.
گوتیشی " ڕابەرانی ڕووسیا بە دڵنیاییەوە هیوادارن ڕاگەیاندنی زیادکردنی ئەو ناوچانە بۆ سەر ڕووسیا وەکو ڕەوایەتیدانێک سەیر بکرێت بە ئۆپەراسیۆنە سەربازییە تایبەتەکە و پشتیوانییەکی نیشتیمانی بۆ ململانێکە لێبکەوێتەوە."
سەرچاوە/ ڕۆیتەرز
بەڕیتانیا دەڵێت پێدەچێت پوتن لە کۆتایی ئەم مانگەدا زیادکردنی هەرێمە داگیرکراوەکانی ئۆکرانیا بۆ سەر ڕووسیا ڕابگەیەنێت
سەرۆکی ڕووسیا ڤلادیمیر پوتن