دانیمارک بەنیازە دووبارە باڵیۆزخانەکەی لە کیێڤ بکاتەوە

وەزارەتی دەرەوەی دانیمارک وتی ڕۆژی دووشەممە دانیمارک دووبارە باڵیۆزخانەکەی لە ئۆکرانیا دەکاتەوە، ئەوەش دوای ئەوەی دەستبەجێ دوای دەستپێکردنی داگیرکارییەکەی ڕووسیا لە 24 ی مانگی دوودا باڵیۆزخانەکەی لە کیێڤ داخست.

وەزیری دەرەوەی دانیمارک یەپی کۆفۆد وتی " ئەوە سیمبولێکی زۆر بەهێزی پشتیوانی دانیمارک دەبێت بۆ ئۆکرانیا و گەلی ئۆکرانیا، کە ئەمڕۆ دووبارە دەرگاکانی باڵیۆزخانەکەمان دەکەینەوە."

کۆمەڵێک وڵاتی دیکەی وەکو ئەمەریکا و فەڕەنسا و بەڕیتانیا لەمدواییانەدا ڕایانگەیاند باڵیۆزخانەکانیان دووبارە دەگوازنەوە بۆ کیێڤ.

سەرچاوە/ ڕۆیتەرز