فەرمانڕەوای هەرێمی دۆنێتسکی ڕۆژهەڵاتی ئۆکرانیا پاڤلۆ کیریلینکۆ وتی بەهۆی هێرشەکانی ڕووسیاوە بۆ سەر هەرێمی دۆنێتسک 21 هاوڵاتی مەدەنی کوژراون و 27 کەسی دیکە برینداربوون.
کیریلینکۆ وتی لە مانگی ڕابردووەوە کاتێک ڕووسیا هێرشی کردە سەر وێستگەیەکی شەمەندەفەر لە شارۆچکەی کراماتۆرسک و لە ئەنجامدا زیاتر لە 50 کەس کوژران، ئەمە زۆرترین ژمارەی کوژراوانە لە تەنها یەک ڕۆژدا لە هەرێمەکە.
ڕووسیا داگیرکارییەکەی لە ئۆکرانیا بە " ئۆپەراسیۆنێکی سەربازیی تایبەت " ناودەبات و ڕەتی دەکاتەوە هاوڵاتیانی مەدەنی ئۆکرانیای کردبێتە ئامانج. دەشڵێت ئامانج لە " ئۆپەراسیۆنەکەی " لەناوبردنی توانا سەربازییەکانی ئۆکرانیا و نەتەوە پەرستە مەترسیدارەکانی ئەو وڵاتەیە.
سەرچاوە/ ڕۆیتەرز
ئۆکرانیا: بەهۆی هێرشەکانی ڕووسیاوە بۆ سەر دۆنێتسک 21 هاوڵاتی کوژراون و 27 کەسی دیکە برینداربوون
دۆنێتسک، ئۆکرانیا