وەزارەتی دەرەوەی ئەمەریکا داوا لە خەڵکی دەکات زانیاری بدەن لەسەر چالاکیـیەکانی سوپای پاسدارانی ئێران لە وڵاتانی عەرەبی، دەڵێت ئەم چالاکیـیانە سەرچاوەی تاوانی قێزەوەنن لە دژی خەڵکی سیڤیل لە ڕۆژهەڵاتی ناوەڕاستدا.
ئەم ڕاگەیاندنەی ئەمەریکا پاش ئەوە هات کە شەوی دووشەممە لە بەغدای پایتەختی عێراق هیشام ئەلهاشمی شیکەرەوەی سیاسی عێراقی کوژرا و زۆربەی خەڵکی پەنجەی تاوان بۆ گروپە چەکداراەکانی سەر بە ئێران درێژدەکەن.
ئۆفیسی پاداشتکردن لە پـێناو دادوەریی وەزارەتی دەرەوەی ئەمەریکا لە ڕێگەی تویتەرەکەیەوە بە زمانی عەرەبی نووسیویەتی "سوپای پاسدارانی ئێران تاوانی قێزەوەن لە دژی خەڵکی بێ تاوان لە وڵاتانی عەرەبی ئەنجام دەدات، ئەمەش لە ڕێگەی گروپەکانی کۆمەکیان دەکات، بۆیە ئەگەر زانیاریت لە بارەی چالاکیـیەکانی ئەم ڕێکخراوە تاوانکاریـیە هەیە بە واتساپ یان تیلگرام پەیوەندیمان پـێوە بکە. ژمارەی واتساپ : 2022941037 001 ، تیلگرام: RFJ_Arabic_bot@ .
بفضل الأنشطة التمويلية التابعة لـ #الحرس_الثوري_الإيراني، يرتكب هذا التنظيم جرائم بشعة ضد الأبرياء في البلدان العربية. تواصل معنا على رقم #الواتس أو تليغرام إن كانت لديك معلومات عن أنشطة هذا التنظيم #الإجرامي#واتساب: 2022941037 001#تليغرام: RFJ_Arabic_bot@ https://t.co/hRzXfEixRh
— Rewards for Justice عربي (@Rewards4Justice) July 7, 2020
وەزارەتی دەرەوە لە نووسراوێکیکەیدا لەسەر تویتەر دەڵێت ئێران ڕووبەڕووی ئەنجومەنی ئاسایشی نەتەوە یەکگرتووەکان دەبێتە لە ڕێگەی دابینکردنی چەک بۆ ڕێکخراوە تێرۆرستیـیەکان لە تەواوی ڕۆژهەڵاتی ناوەڕاست و هەروەها ئەو گروپانەی بە وەکالەت کاری بۆ دەکەن. دەڵێت ئەو گروپانە چەک و مەشق و پارەی ئێران بەکاردەهێنن بۆ نانەوەی ناسەقامگیری و بڵاوکردنەوەی توندوتیژی لە ناوچەکەدا.
RT @StateDept: تتحدى إيران مجلس الأمن من خلال توفير الأسلحة للجماعات التي تعمل بالوكالة، والمنظمات الإرهابية في جميع أنحاء الشرق الأوسط. تستخدم هذه الجماعات الأسلحة الإيرانية والتدريب والتمويل لزعزعة استقرار المنطقة ونشر العنف.
— الخارجية الأمريكية (@USAbilAraby) July 7, 2020
وەزارەتەکە لە نووسینێکی دیکەیدا داوا لە حکومەتی عێراق دەکات پەلە بکات لە دەستگیرکردن و دادگایـیکردنی ئەوانەی لە کوشتنی هیشام هاشمی بەرپـرسن.
کوشتنی هیشام هاشمی ناڕەزایـیەکی زۆری لە ناو عێراق و دەرەوە دروستکردووە.
بەپـێی لێدوانی ڕۆژنامەنووسێک بۆ کەناڵی ئەلحوڕە کە نەیویستووە ناوی ئاشکرابکرێت، هاشمی بەر لە کوشتنی پـێی گوتبوو ئەبو عەلی ئەلعەسکەری گوتەبێژی ئاسایشی میلیشیاکانی کەتائیب حزبوڵڵای سەر بە ئێران بە تەلەفۆن هەڕەشەی لێکردووە و گوتویەتی"لە بەردەمی ماڵەکەت دەتکوژم" .