سەرۆکی ئەمەریکا ڕایگەیاند کۆسۆڤۆ بڕیاری داوە پەیوەندی خۆی لەگەڵ ئیسرائیل ئاسایی بکات و پەیوەندی دیپـلۆماسی لەگەڵدا ببەستێت.
سەرۆک ترامپ ئەمڕۆ هەینی لە تویتەرەکەی نووسی"ڕۆژێکی دیکەی مەزن بۆ ئاشتی لە ڕۆژهەڵاتی ناوەڕاست – کۆسۆڤۆی زۆرینە موسڵمان و ئیسرائیل ڕێکەوتن لەسەر ئاساییکردنەوەی پەیوەندیـیەکانیان و دروستکردنی پەیوەندی دیپـلۆماسی. دەستخۆش! بەم زووانە وڵاتانی دیکەی ئیسلامی و عەرەبی بە دوایدا دێن!"
Another great day for peace with Middle East – Muslim-majority Kosovo and Israel have agreed to normalize ties and establish diplomatic relations. Well-done! More Islamic and Arab nations will follow soon!
— Donald J. Trump (@realDonaldTrump) September 4, 2020
ئەم ڕاگەیاندنە لە کاتێکدا بوو، ئەلێگزاندەر ڤوچیچ سەرۆکی سڕبیا و عەبدوڵڵا هۆتی سەرۆک وەزیری کۆسۆڤۆ لە کۆشکی سپی و بە ئامادەبوونی سەرۆک ترامپ ڕێکەوتنێکیان واژوکرد بۆ ئاساییکردنەوەی پەیوەندیـیە ئابوریـیەکانی نێوانیان.
— Donald J. Trump (@realDonaldTrump) September 4, 2020
هەروەها سەرۆک ترامپ پـیرۆزبایی کرد بەبۆنەی بڕیاری سڕبیا بۆ گواستنەوەی باڵیۆزخانەکەی لە تەل ئەڤیڤەوە بۆ ئۆرشەلیم.
ئەم بڕیارەی کۆسۆڤۆ پاش نزیکەی سێ هەفتە لە ڕێکەوتنی ئیسرائیل و ئیمارات دێت. ئیمارات بووە سێـیەم وڵاتی عەرەبی لە پاش میسڕ و ئوردن پەیوەندی دیـپـلۆماسی لەگەڵ ئیسرائیلدا هەبێت.