جەنەڕاڵ کێنث مەککەنزی فەرماندەی گشتی فەرماندەیەتی ناوەندی لەشکری ئەمەریکا و شاندی یاوەری سەردانی ناوچەکانی باکوری سوریایان کرد و لەوێ لەگەڵ مەزڵوم عەبدی فەرماندەی گشتی هێزەکانی سوریای دیموکرات کۆبوونەوە.
باڵیۆز ولیەم ڕۆبەک جێگری نێردراوی ئەمەریکا بۆ هاوپەیمانێتی نێودەوڵەتی شەڕی دژی داعش، ئەویش لە نێو شاندەکەدا بوو.
بەپـێی ڕاگەیاندنی هێزەکانی سوریای دیموکرات، تەوەرەکانی کۆبوونەوەکە، بریتی بوو لە گرژیـیەکانی سەر سنووری نێوان باکوری سوریا و تورکیا لەگەڵ چۆنیەتی چارەسەرکردنی، هەروەها پـلان و هەماهەنگیـیەکانی نێوان هەسەدە و هێزەکانی نێودەوڵەتی بۆ ڕووبەڕووبوونەوەی پاشماوەکانی داعش، کێشە و گرفتی کەمپەکان و دیلەکانی داعش لەلای هەسەدە.
مەزڵوم عەبدی لە پاش کۆبوونەوەکە لێدوانی بۆ میدیاکان دا و گوتی هەردوولا تێڕوانینی هاوبەشیان هەبووە لەسەر زۆربەی بابەتەکان.
مستەفا بالی بەڕێوەبەری بەشی ڕاگەیاندنی هەسەدە ئەویش لەسەر تویتەرەکەی نووسیویەتی "جەنەڕاڵ عەبدی: لە کۆبوونەوەکە تاووتوێی کۆمەڵێک مەسەلە کراون، لەوانە ئەو ناوچە ئارامەی پـێشنیارکراوە، هاوکاری داهاتووی نێوان هێزەکانی سوریای دیموکرات و هاوپەیمانێتی نێودەوڵەتی، دۆخی جیهادیـیەکان (چەکدارە دەستگیرکراوەکانی داعش) و خێزانەکانیان."
Gen. Mazlum Abdi on meeting: “Several important issues including proposed safe zone, future cooperation between the SDF and anti-ISIS @coalition and situation of jihadists&their families were discussed.” pic.twitter.com/uR3HQqCr3k
— Mustafa Bali (@mustefabali) July 22, 2019
هەر لە بارەی ئەم کۆبوونەوەیە مەحمود بالی پەیامنێری دەنگی ئەمەریکا لە کۆبانی ڕاپـۆرتی ناردووە.
Your browser doesn’t support HTML5
ڕاپـۆرتی مەحمود بالی
ئەمەش ببینە ڕاپـۆرتی مەحمود بالی