گوته‌بێژی هێزه‌کانی په‌که‌که له سـنووری کوردسـتانی عێراق ڕاده‌گه‌یه‌نێت که له بۆردومان‌کردنی فڕۆکه جه‌نگیـیه‌کانی وڵاتی تورکیا بۆ سه‌ر باره‌گاکانیان له سـنووری نێوان عێراق- تورکیا 4 شه‌ڕوان کوژراون و 5 شه‌ڕوانی تریش برینداربوون، جگه له سووتانی کۆمه‌ڵێـک باخ و بێسـتانی گونده‌کان و مرداربوونه‌وه‌ی زیاتر له 100 سه‌ر مه‌ڕ و ماڵاتی ڕه‌وه‌نده‌کانی ئه‌و ناوچه‌یه.
له په‌یوه‌ندیـیه‌کی ته‌له‌فونی له‌گه‌ڵ به‌رپـرسی په‌یوه‌ندیـیه‌کانی ده‌ره‌وه‌ی په‌که‌که و هه‌روه‌ها گوته‌بێژی ئه‌و پارته ئه‌حمه‌د ده‌نیز به ده‌نگی ئه‌مه‌ریکای ڕاگه‌یاند که فڕۆکه جه‌نگیـیه‌کان 20 فڕۆکه بوون و بۆردومانی ناوچه‌کانی خنێره و خواکورک و لۆلان و چه‌ند ناوچه‌یه‌کی تریشـیان کردووه.
ده‌توانن گوێبیستی درێژه‌ی ڕاپـۆرته‌که‌ی یه‌حیا به‌رزنجی بن له ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ که ماوه‌که‌ی 15:23 خوله‌که.