له رۆژی11/7 وه هه‌رسێ لایه‌نی ئۆپۆزسیۆن( بزوتنه‌وه‌ی گۆڕان، یه‌کگرتووی ئیسلامی و کۆمه‌ڵی ئیسلامی) دانیشتنه‌کانیان له‌گه‌ڵ هه‌ردوو حزبی ده‌سه‌ڵات( یه‌کێتی نیشتیمانی کوردستان و پارتی دیموکراتی کوردستان) هه‌ڵپه‌سارد.
له لێدوانێکدا بۆ به‌شی کوردی ده‌نگی ئه‌مه‌ریکا له‌گه‌ڵ هاوکارمان شایان پاشا، مامۆستا یوسف محه‌مه‌د سادق به‌ڕێوبه‌ری ناوه‌ندی توێژینه‌وه‌ی سیاسی بزوتنه‌وه‌ی گۆڕان له‌و باره‌یه‌وه گوتی ئێمه ئه‌م هه‌ڵپه‌ساردنه وه‌ك کارتی فشار به‌کار ناهێنین، به‌ڵام ده‌مانه‌وێت زه‌مینه‌ی له‌بار هه‌بێت بۆ گفتوگۆکان و متمانه هه‌بێت له لایه‌ن لایه‌نه‌کانی دانوستکار و متمانه بۆ گفتوگۆکان دروستبێت له لایه‌ن جاماوه‌ره‌وه که ئه‌مه‌ش ده‌خوازێت کۆمه‌ڵێك ئیجرائات له‌سه‌ر ئه‌رزی واقیع بگیرێته به‌ر و کۆمه‌ڵێك ئیجرائاتی نائاسایی و نایاسایی کۆتاییان پێبهێنرێت.
ده‌توانن له ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی گفت وگۆکه بن که ماوه‌که‌ی 7:30 خوله‌که.