دکتۆر شێرکۆ حمە ئەمین دەڵێت شکستهێنانی لایەن کوردیەکان بۆ کاراکردنەوەی پەرلەمانی کوردستان بە هۆی پێداگری پارتی دیموکراتی کوردستانە لەسەر راوبۆچونەکانی خۆی و هیچ سازشێکی بۆ ئەو مەبەستە نەکردووە. ژمارەیەک لە پەرلەمانتارانی کوردستان لەهەوڵی وەگەرخستنەوەی پەرلەماندان بە زووترین کات و ئەنجامدانی دانیشتنەکانی بۆ چارەسەرکردنی کێشەکانی هەرێم بەتایبەت دۆخی نالەباری ژیانی خەڵکان . دەشڵێت بە بڕوای من دەبێت ئەم هەوڵەی ئێستای پەرلەمانتاران بۆ کاراکردنەوەی پەرلەمان سەربکەوێت ، دەشڵێت هەر کەسێکیش ببێتە هۆی پەکخستنی ئەم هەوڵە ،ئەوە دەچێتە خزمەتی پارتی دیموکراتی کوردستانەوە. تەواوی ئەم گفتوگۆیەی سمکۆ عەزیز لە رادوێی کوردی دەنگی ئەمەریکاوە لەگەڵ دکتۆر شێرکۆ حمە ئەمین ئەندامی پەرلەمانی کوردستان لەسەر لیستی بزوتنەوەی گۆڕان ئەنجامی داوە لەم فایلە دەنگیەدا دەبیستن.
