هەڵگورد حیکمەت وتەبێژی فەرمی وەزارەتی پێشمەرگەی حکومەتی هەرێمی کوردستان دەڵێت هێچ کەسێک لە هێزی پێشمەرگە پلەدار بێت یان ئاسایی کاری تاڵانی ناکات ، چونکە ئەو رەفتارە لە هێزی پێشمەرگە ناوەشێتەوە . بەڵام ئەگەر ئەوە سەلمێندرا کە کەسێک تاڵانی کردبێت ئەوا روبەڕوی یاسا دەبێتەوە و لێپێچینەوەی لەگەڵدا دەکرێت. ناوبراو ئاماژە بەوەش دەکات و دەڵیت ئەوەی تێبینی دەکرێت ئەوەیە کە رێکخراوی چاودێری مافەکانی مرۆڤ بۆ پتر لە دوو ساڵە بە شێوەیەکی نێگەتیڤ لەسەر هێزەکانی پێشمەرگە دەدوێت و هەوڵی ناوزراندنیان دەدات . ئێمە گومانمان لە بێلایەنی و متمانەکردن بەم رێکخراوە هەیە. تەواوی ئەم گفتوگۆیەی سمکۆ عەزیز لە بەشی کوردی دەنگی ئەمەریکا لەگەڵ بەڕێز هەڵگورد حیکمەت سازیداوە لەم فایلە دەنگیەدا دەبیستن.
