وەزیری دەرەوەی یەکێتی ئەوروپا ڕۆژی سێشەممە سەرسوڕمانی خۆی دەردەبڕێت سەبارەت بە بەکارهێنانی هێزی لە ڕادەبەدی پۆلیس لە وڵاتە یەکگرتوەکانی ئەمەریکا، هەروەها نیگەرانی خۆشی دەربڕیوە بەرامبەر بە مەرگی جۆرج فلۆیدی ڕەش پێست لە بەردەست پۆلیسێکی سپی پێست و پەژارەی خۆشی لەو بارەیەوە دەربڕی.
وەزیری دەرەوەی یەکێتی ئەوروپا جۆزیب بۆرل لە میانەی کۆنفرانسێکی ڕۆژنامەوانی لە بروکسل گوتی، کەسانیش لێرە لە وڵاتانی ئەوروپا هاوشێوەی هاوڵاتیان لە وڵاتە یەکگرتوەکانی ئەمەریکا دووچاری خورپە و سەرسوڕمان هاتووین بەرامبەر گیان لەدەستدانی جۆرج فلۆیدی ئەمەریکایی ڕەش پێست گوتیشی دەبێت هەموو کۆمەڵگەکانی جیهان وریابن لەمەڕ بەکارهێنانی لە رادەبەدەری هێز لەلایەن هێزەکانی ئاسیشەوە دژ بە هاوڵاتیان .
ئاژانسی هەواڵی فەرەنسی دوێنێ ئاماژەی بە سەرکۆنەکردنێکی نێودەوڵتی کرد سەبارەت بە پێشێلکاریەکانی پەیوەست بە نەژادپەرستی و بەکارهێنانی هێزی لە ڕادەبەدەر لەلایەن هێزەکانی پۆلیس لە ئەمەریکا لە میانەی خۆپیشاندانەکانی ناڕەزایی ئاکامی مەرگی جۆرج فلۆید .
ئەنتۆنیۆ گۆتێرش سکرتێری گشتی نەتەوە یەکگرتوەکان لە ڕیی وتەبێژی ڕێکخراوەکەیەوە داوای لە ئەمەریکاییەکان کردووە ناڕەزاییەکانیان بە شێوەیەکی ئاشتیانە بکەن و داواشی لە بەرپرسان و دەسەڵاتدارانی وڵاتە یەکگرتووەکانی ئەمەریکاش کردووە پشوو درێژبن و دان بەخۆیاندا بگرن لە کاردانەوەیان بەرامبەر خۆپیشاندانەکان. هاوکات وتەبێژەکەی نەتەوە یەکگرتووەکان دەڵێت دەبێت گوێ لە داواکاری بێپشت و پەنایان بگیرێت.