سەرۆکی ئەمەریکا دۆناڵد ترامپ سەرگەرمی هەوڵێکی زۆر و نێوەندگیریە بەمەبەستی ئاسایکردنەوەی پەیوەندییەکانی وڵاتانی عەرەبی بەتایبەت وڵاتانی کەنداو لەگەڵ ئیسرائیلدا. سەرۆک ترەمپ توانیویەتی لەم هەوڵەیدا سەربکەوێت و هەوڵی زیاترش دەدات بۆ هاندانی وڵاتانی دیکەی عەرەبی هەتا چاو لە ئیمارات بکەن و ئەوانیش ڕێککەوتنی ئاشتی لەگەڵ ئیسرائیلدا واژۆ بکەن.
کاوە ئاهەنگەری شیکاری سیاسی بنکە لە برۆکسڵ دەڵێت ئەم هەوڵەی سەرۆک ترامپ بۆ ئاسایکردنەوەی پەیوەندیەکانی نێوان ئیسرائیل و وڵاتانی عەرەبی هەر لەسەرەتای دەستبەکاربوونیەوە پلانڕێژی بۆ کردووە ، دەشڵێت ئاسایوونەوەی پەیوەندیەکانی نێوان ئیسرائیل و وڵاتانی عەرەبی کاریگەری نەرێنی لەسەر دۆزی فەلەستینیەکان نابێت و دەشڵێت فەلەستینیەکانیش ئێستا لەوە تێگەیشتوون کە دەبێت شان بەشانی یەکتری لەگەڵ ئیسرائیل بژین. سمکۆ عەزیز لە بەشی کوردی دەنگی ئەمەریکا ئەم بابەتەی لەگەڵ کاوە ئاهەنگەری تاوتوێکردووە.
