ڕۆژنامەی نیویۆرک تایمس دەڵێت ژمارەی ئەو کەسانەی کە لە بوومەلەرزەکاندا گیانیان لەدەستداوە گەیشتووەتە شەش هەزار و 200 کەس، کە 4544 لەوانە لە تورکیان و نزیکەی 1700 یش لە سوریا.
بەرپرسی بارودۆخی فریاگوزاری ڕێکخراوی تەندروستی جیهانی (WHO) د. جیراڵد ڕۆکنشاوب هۆشداریدا لەوەی کە لەگەڵ تێپەڕبوونی هەر ساتێکدا ئەگەری مانەوەی قوربانییەکان کەم دەبێتەوە.
بوومەلەرزە بەهێزەکە زیانی بە شاری کۆبانیش گەیاندووە و چەند باڵەخانەیەک ڕووخاون، بەڵام پەیامنێری دەنگی ئەمەریکا مەحمود بالی لە کۆبانییەوە دەڵێت خۆشبەختانە زیانی گیانی لەوێ ڕانەگەیەندراوە و تەنها زیانی ماڵی هەبوو.
بەپێی زانیارییە فەرمییەکان ژمارەی کوژراوانی بوومەلەرزە بەهێزەکەی کە تورکیا و سوریای گرتەوە، ئەمڕۆ سێشەممە گەیشتە سەرووی 7100 کەس و تا ئێستاش کارمەندانی فریاگوزاری بە دوای ئەو کەسانەدا ەگەڕێن کە لە ژێر باڵەخانە ڕووخاوەکاندا گیریان خواردووە.
بەرپرسان و کاربەدەستانی تەندروستی پزیشکی ڕایانگەیاند، پێنج هەزار و 434 کەس لە تورکیا و هەزار و 712 کەسیش لە سوریا گیانیان لەدەستداوە، بەمەش کۆی گشتی گیانلەدەستدان گەیشتە حەوت هەزار و 146 کەس.
بەسەدان کەس لە چین وتوێژە جیاوازەکانی کۆمەڵگا لە ئەنکەرەی پایتەختی تورکیا، خەریکی کۆکردنەوەی کۆمەک و ناردنی پێداویستیەکانن بۆ ئەو شوێنانەی بەر بوومەلەرزەکەی بەرەبەیانی ڕۆژی دووشەممە کەوتوون.
پەیامنێری بەشی ئەیوب دەمیر کوردی دەنگی ئەمەریکا لەوێ بووەو پەرۆشی خەڵکەکە نیشان دەدات.