فەرهاد شامی: چەکدارەکانی سەر بە تورکیا ڕێگری کە گەیاندنی هاوکارییەکان بۆ لێقەوماوانی بوومەلەرزەکە دەکەن
گوتەبێژی هێزەکانی سوریای دیموکراتیک دەڵێت چوار ڕۆژە هەوڵ دەدەن هاوکاریی مرۆیی بگەیەنن بە لێقەوماوانی بوومەلەرزەکە بەڵام ڕێگرییان لێدەکرێت.
فەرهاد شامی لە تویتێکدا دەڵێت " چوار ڕۆژە، بەڕێوەبەرایەتی خۆسەر لە باکور و ڕۆژهەڵاتی سوریا هەوڵ دەدات هاوکاریی مرۆیی بگەیەنێت بەو کەسانەی لە عەفرین و ئیدلب بەهۆی بوومەلەرزەکەوە زیانیان پێگەیشتووە بەڵام گروپە چەکدارەکانی سەر بە تورکیا ڕێگری دەکەن."
شامی دەشڵێت " ئەم گروپە چەکدارانە تاوانێک ئەنجام دەدەن و نەهامەتیی و ئازارەکانی ئەو سوریاییانەی کە زیانیان لێکەوتووە زیاتردەکەن، کۆمەڵگەی نێودەوڵەتیش دەبێت فشاریان بخاتەسەر بۆ ئەوەی ڕێگری لە گەیاندنی یارمەتییەکان نەکەن و یارمەتیەکان تاڵان نەکەن."
دوای نزیکەی 12 ساڵ شەڕی ناوخۆ، سوریا لە نێوان ناوچەکانی ژێر دەسەڵاتی حکومەت، سەرهەڵداوانی سەر بە تورکیا کە بەشێکیان جیهادییەکانن، و بەڕێوەبەرایەی خۆسەری کوردەکاندا دابەش بووە.
بوومەلەرزەکەی ڕۆژی دووشەممە بە گوڕی 7.8 لەسەر پێوانەی ڕێختەر، هەردوو ناوچەی ژێردەستی ڕژێم و سەرهەڵداوانی سەر بە تورکیا گرتووەتەوە.
ژمارەی گیان لەدەستدانەکان لە سوریا دەگاتە نزیکەی 4000 کەس
ڕوانگەی سوریا بۆ مافەکانی مرۆڤ دەڵێت لە سوریا ژمارەی گیان لەدەستدانەکان بەهۆی بوومەلەرزەکە گەیشتووەتە نزیکەی 4000 کەس.
ڕاوانگەکە دەڵێت 1678کەس لە ناوچەکانی ژێر دەسەڵاتی ڕژێمدا گیانیان لەدەستداوە کە زۆربەی لە حەلەب و لازقییەن.
لە تورکیاش پێشتریش سەرۆکی تورکیا ڕەجەب تەیب ئەردۆغان لە کۆنگرەیەکی ڕۆژنامەوانیدا ڕایگەیاند ژمارەی گیان لەدەستدانەکان لە ئەنجامی بوومەلەرزەکەی ڕۆژی دووشەممە لگەیشتووەتە 16 هەزار و 170 کەس و 64 هەزار و 194 کەسیش بریندار بوون.
ئەردۆغان گوتیشی 6 هەزار و 444 باڵەخانە ڕووخاون.
بەمەش کۆی گیانلەدەستدانەکان بەهۆی بوومەلەرزەکە لە هەردوو تورکیا و سوریا گەیشتووەتە 20 هەزار و 78 کەس.
فوئاد ئۆکتای، جێگری سەرۆکی تورکیا شەوی پێنجشەممە لە کۆنگرەیەکی ڕۆژنامەوانی ڕایگەیاند 17 هەزار و 674 کەس لە ئاکامی بومەلەرزەکەوە گیانیان لەدەستداوە و 72 هەزار و 879 کەسیش برینداربوون.
و هەروەها دەشڵێت لە پاش بوومەلەرزە بەهێزەکەی بەرەبەیانی ڕۆژی دووشەممەوە تا ئێستا 1330 بوومەلەرزەی تر ڕوودیاوە.
پێشتریش ڕوانگەی سوریا بۆ مافەکانی مرۆڤ ڕایگەیاند ژمارەی گیان لەدەستدانەکان لە سوریا گەیشتووەتە نزیکەی 4 هەزار کەس.
ڕاوانگەکە دەڵێت 1678کەس لە ناوچەکانی ژێر دەسەڵاتی ڕژێمدا گیانیان لەدەستداوە کە زۆربەی لە حەلەب و لازقییەن.
بەمەش کۆی گیان لەدەستدانەکان بەهۆی بوومەلەرزەکە لە هەردوو تورکیا و سوریا گەیشتووەتە 21 هەزار و 674 کەس.
.
ئەندامێکی پەرلەمانی هەدەپە باس لە کەموکورییەکانی حکومەت دەکات بۆ هاوکاریکردنی قوربانیانی بوومەلەرزەکە
کەمال بولبول ئەندامی پەرلەمانی هەدەپە نوێنەری ئەنتالیا هەر لە یەکەم ڕۆژی بوومەلەرزە کوشندەکەی تورکیاوە گەیشتووتە سەمسور.
باس لەوە دەکات کە سێهەم ڕۆژی کارەساتەکەیەو هێشتا هاوکارییەکانی دەوڵەت نەگەیشتوون.
دەشڵێت ئەمڕۆ (ڕۆژی پێنجشەممە) هاوکارییەکی زۆر لە ڕووی خۆارک و جلوبەرگ و جێگەوبانەوە هات بەڵام هاوکاری گەل بووە نەک دوڵەت.
بولبول دەشڵێت سێ ڕۆژ دەرباز بوو یەک نوێنەری حکومەتمان لێرە نەبینی "نە پارێزگار و نە سەرۆکی شارەوانی کەس نەهاتووە."
بولبول دەشڵێت ڕاستە لە کەناڵەکانەوە دەگوترێت لە سەنسور سەدان کەس گیانیان لەدەستداوە ئەمەر ڕاست نییە "لێرە هەزاران گیانیان لەدەستداوە."
لە کاتێکدا بەشێک لە هاووڵاتیە کوردەکان باس لە جیاوازیی کردنی حکومەت دەکەن لە ڕووی هاوکارییەکانەوە بۆ لێقەوماوانی بوومەلەرزەکە، بەڵام سەرۆکی تورکیا لەگەڵ ئەوەی ڕۆژی چوارشەممە دانی بە کەموکورتییەکاندا نابوو لە کۆنگرەیەکی ڕۆژنامەوانی ڕۆژی پێنجشەممەدا جەختی کردەوە لەوەی لە پێشکەشکردنی یارمەەتی و فریاگوزارییەکاندا هیچ جیاوازیەک ناکەن.