ئەمرۆ بەمەبەستی دەستەبەرکردنی ئاگربەست و کۆتایهێنان بە جەنگی نێو خۆی لیبیا، کۆنفرانسێکی نێودەوڵەتی بەڕیوە دەچیت لە پێناو دەستەبەرکردنی ئاشتی بۆ لیبیا. دکتۆر جەبار قادر شارەزا لە کاروباری سیاسی تورکیا و رۆژهەڵاتی ناوەڕاست دەڵیت سەرۆکی تورکیا بۆیە سەربازانی تورکی رەوانەی لیبیا ناکات بۆ ئەوەی پشتیوانی لە حوکمەتەکەی فائیز ئەلسەراج بکەن، چونکە ئەردوگان کێشەی نێوخۆی لە زۆر لایەنەوە هەیە و نایەوێت هێنانەوەی تەرمی سەربازانی تورکی بۆ وڵات بەزیانی خۆی بشکێتەوە و لە نێوخۆدا کێشەکانی زیاتر بکات.
سمکۆ عەزیز لە بەشی کوردی دەنگی ئەمەریکا ئەم وتوێژەی لەو بارەیەوە لەگەڵ دکتۆر جەبار قادر پسپۆڕی کاروباری رۆژهەڵاتی ناوەڕاست سازداوە.
