ئەحمەد ئەسکەندەری دەڵێت کۆتایی هاتنی قەدەغەی چەکی باو لەسەر ئێران قازانجی بۆ ئێرانی لێناکەوێتەوە ئەوەش بە هۆی ئەو گەمارۆ نێودەوڵەتیانە و ئەمەریکاوەیە بەسەر تارانیاندا سەپاندوە و بوتە مایەی ئیفلیجکردنی ئابووری ئێران و داڕمانی سیستیمی داراییەکەی.
ئەحمەد ئەسکەندەری نوسەر وشارەزای لە کاروباری سیاسی ئێران سەبارەت بە شیانی گۆڕانکاری لەهەڵوێست و سیاسەتی ویلایەتەیەکگرتوەکانی ئەمەریکا بەرامبەر ئێران ئەگەر وەک(گریمانەیەک) دیموکراتەکان لە هەڵبژاردنی سەرۆکایەتی ئەمەریکا سەرکەوتن بەدەست بێنن، ناوبراو دەڵێت؛ گۆڕان لە زمانی ئەمەریکا بەرامبەر ئێران دەبێت ، بەڵام بارودۆخەکەی نێوانیان هەرگیز ناگەڕێتەوە بۆ سەروەختی"براک ئۆباما" سەرۆکی پێشووی ویلایەتەیەکگرتوقەکانی ئەمەریکا. ئەمە تەوەرەی ئەم وتوێژەیە سمکۆ عەزیز لە بەشی کوردی دەنگی ئەمەریکا لەگەڵ بەرێز ئەحمەد ئەسکەندەری ئەنجامی داوە.
