سەبارەت بە رۆڵی پەرلەمانتارانی کورد لە بەغدا، دکتۆر لەتیف موستەفا مامۆستای زانکۆ لە کۆلێژی یاسا دەڵێت ؛ بەداخەوە دەسەڵاتدارانی کورد رۆڵی پەرلەمانتارانی کوردیان لە بەغدا لاوازکردووە.
دەشڵێت سیاسەتمەداران و دەسەڵاتدارانی کورد لە رابردوودا زۆر گوێیان نەداوە بە دامەزراوە دەستوریەکانی وەک پەرلەمان و دادگای ئیتحادی ، لە بری ئەوانە رێکەوتنی سیاسی کراوە لە نێوان سیاسەتمەدارانی هەرێم و بەغدا.
دکتۆر لەتیف موستەفا ئاماژە بەوە دەکات کە پەرلەمانتاریی بوون لە بەغدا زیاتر ئیمتیاز بووە بۆ کادرانی حیزبە سیاسییەکان ، هەروەها زۆر بەرپەرسی حیزبەکان پەرلەمانتارەکانیان رەوانەی بەغدا کردوە وەک پاداشتێک بۆ وەرگرتنی مووچە و ئیمتیازات. ئەمە تەوەرەی ئەم وتوێژەیە سمکۆ عەزیز لە بەشی کوردی دەنگی ئەمەریکا لەگەڵ دکتۆر لەتیف موستەفا ؛ مامۆستای زانکۆ لە کۆلێژی یاسا ئەنجامی داوە.
