سەرەڕای سەرکوتکردنی توندوتیژانەی ناڕەزایەتییەکان کە لە دوای مەرگی ژینا ئەمینی لە سەرتاسەری ئێران سەریان هەڵدا، خۆپیشاندانەکان هێشتا لە چەند شارێکی ئێران بەردەوامن.
شاری سنە یەکێکە لەو شارانەی کە لەوەتای دەستپێکی ناڕەزایەتییەکان تاکو ئێستا خەڵکەکەی بەردەوامن لە ناڕەزایەتی دەربڕین و بە پێی ئەو گرتە ڤیدیویانەی لە تۆڕەکاندا بڵاو بوونەتەوە، هێزێکی زۆری ئاسایشی (ئەمنی) لە تاران و شارەکانی دیکەوە ڕەوانەی ئەو شارە کوردنشینە کراوە.
چەندین ڕێکخراوی مرۆیی، لەوانە تۆڕی مافەکانی مرۆڤی کوردستان هۆشدارییان داوە لەمەڕ توندی و چڕبوونەوەی سەرکوتەکان لە شاری سنە و نیگەرانی خۆیان سەبارەت بە گواستنەوەی "چەکی نیمچە قورسی سەربازی" بۆ ئەم شارە دەربڕیوە.
تیراندازی نیروهای ضدشورش به سوی معترضین در #سنندج pic.twitter.com/FwKiX0wqRu
— شبکه حقوق بشر کردستان (@KurdistanHRN) October 10, 2022
بە پێی هەواڵێکی ڕێکخراوی هەنگاو بۆ مافەکانی مرۆڤ، ئێوارەی ڕۆژی دووشەممە فڕۆکەیەکی جەنگی لە فڕۆکەخانەی سنە نیشتوەتەوە هەروەها پاسەکانی هەڵگری هێزی سەربازی تایبەت بەرەوە شارەکە بەڕێکەوتوون.
ئەو ڕێکخراوە گرتەیەکی ڤیدیۆیی بڵاو کردووەتەوە و دەڵێت لە پێکدادانەکانی نێوان هێزە ئەمنییەکانی ئێران و خەڵکی ناڕازی، ئێوارەی دووشەممە لە شاری سنە، هێزەکان بە فیشەکی جۆری کالیبەر کە لە ڕێگای دۆشکەی نیمچە قورسی جەنگییەوە تەقێندراوە، تەقەیان لە هەندێ لە ماڵەکان کردوە.
تصویری مستند از ارتکاب جنایت علیه بشریت در سنندج. در فیلم مشخص است قدرت و قطر کالبیر شلیک (کالیبر ۵۰) به حدی است که از شیشه دوجداره و دیوار ۲۰ سانتی متری عبور کرده است. این نوع کالبیر متعلق به مسلسلهای نیمه سنگین جنگی است. محل: نایسر-سنندج#مهسا_امینی #سنندج#MahsaAmini pic.twitter.com/2k4KSlTv0F
— Hengaw Human Rights Organization (@HengawO) October 11, 2022
ڕێکخراوی مافەکانی مرۆڤی كوردستان لە ڕاپۆرتێکدا ئاماژە بەوە دەکات کە لە سەرەتای خۆپیشاندانەكانەوە تائێستا بەلانیکەمەوە ٣٠ خۆپیشاندەر لە شارە کوردنشینەکاندا کۆژراون کە پێنجیان منداڵ بوون.
ئەو ڕێکخراوە لە ڕاپۆرتەکەیدا نووسیویەتی جگە لە دەستبەسەرکردنی زیاتر لە دووهەزار کەس لە خۆپیشاندەران لەم ماوەیەدا، "لانیکەم ٨٢٥ خۆپیشاندەریش بەهۆی تەقەی هێزە چەکدارەکانەوە بریندار بوون و لانیکەم ٣ خۆپیشاندەر لە شارەکانی دیواندەرە، ورمێ و بیجار بە هۆی تەقەی ئەو هێزانەوە، بیناییان لەدەستداوە .
بنا به به تحقیقات شبکه حقوق بشر کردستان از زمان آغاز اعتراضات تا کنون دستکم ۳۰ شهروند کُرد شامل ۵ کودک با تیراندازی نیروهای ضدشورش و بسیج در شهرهای ارومیه، اشنویه، پیرانشهر، دیواندره، سقز، سنندج، مریوان، کرمانشاه، اسلام آباد غرب، ایلام، قروین، ورامین و کرج کشته شدهاند.#سنندج pic.twitter.com/iX5PHGglOu
— شبکه حقوق بشر کردستان (@KurdistanHRN) October 11, 2022
هاوکات راپۆرتەکان ئاماژە بە پەرەسەندنی مانگرتنەکان لە پیشەسازییە گرنگەکانی وەک پیشەسازی نەوت و پترۆکیمیای ئێران دەکەن.
بەپێی ئەو گرتە ڤیدیۆیی و راپۆرتانەی لە تۆڕە كۆمەڵایەتییەكان بڵاو كراونەتەوە، كارمەندان و کرێکارانی پاڵاوگەی نەوتی ئابادان و پترۆکیمیای بوشهێر، دەماوەند، عەسەلویە و پترۆکیمیای کەنگان کارەکانیان ڕاگرتوە و دەستیان داوەتە ناڕەزایەتی دەربڕین.
ئەنجوومەنی ڕێکخەری ناڕەزایەتیی کرێکارانی پیشەسازی نەوت ڕۆژی سێشەممە ڕایگەیاند کە ١٨ کرێکاری پترۆکیمیای عەسەلویە دەستبەسەر کراون و گوازراونەتەوە و بنەماڵەکانیان نازان لە کوێ دەستبەسەرکراون.
بە هۆی پچران و سنووردارکردنی ئینتەرنێتەوە لە ناوچە کوردنشینەکان، هەواڵ و ڤیدیۆی کەمتر بڵاو کراونەتەوە، بەڵام سەرچاوە خۆجێیەکان باس لەوە دەکەن کە سەرکوتکردنەکان لە کرماشان، سەلاسی باوەجانی و مەهابادیش توند بووە.
هەواڵەکان باس لەوە دەکەن کە ناڕەزایەتییەکان لە سەلاسی باوەجانی کە لە دوو ڕۆژ لەمەوبەرەوە دەستیپێکردوە، لەلایەن هێزەکانی ئاسایشەوە بە توندی سەرکوتکراون.
تۆڕی مافەکانی مرۆڤی کوردستان نووسیوێتی لە خۆپیشاندانەکانی سەلاسی باوەجانیدا لاوێکی تەمەن ٢٢ ساڵ بە ناوی ئارین موریدی بریندار بووە و ئیوارەی دووشەمەش بە هۆی قورسی برینەکەیەوە گیانی لەدەستداوە.
شبکه حقوق بشر کردستان: «#آرین_مریدی، جوان معترض اهل ثلاثباباجانی استان کرمانشاه که شب گذشته (۱۷ مهر) با تیراندازی نیروهای امنیتی در جریان اعتراضات این شهر زخمی شد در اثر شدت جراحات جان خود را از دست داد.» #مهسا_امینی pic.twitter.com/ybAQFOjDM7
— Kaveh Ghoreishi (@KavehGhoreishi) October 11, 2022
هاوکاتی بەردەوامی ناڕەزایەتییەکان، کاردانەوە جیهانیەکانیش بەرامبەر بە پێشهاتەکانی ئێران بەردەوامە.
سندووقی منداڵانی نەتەوە یەکگرتووەکان لە بەیاننامەیەکدا نیگەرانی قوڵی خۆی سەبارەت بە دەستبەسەرکردن و کوژران و بریندارکردنی منداڵان لە ناڕەزایەتییەکاندا دەربڕیوە.
یونیسێف لەم بەیاننامەکەیدا جەختی لەوە کردووەتەوە کە خوازیاری پاراستنی هەموو منداڵانە لە هەر جۆرە توندوتیژی و زیانێک و دەشڵێت "توندوتیژی دژی منداڵان، لەلایەن هەر کەسێک و لایەنێکەوە و لە هەر چوارچێوەیەکدا، جێگای قەبووڵ و بەرگریکردن نییە."
هەروەها جەیک سولیڤان، ڕاوێژکاری ئاسایشی نیشتمانی ئەمەریکا، ڕۆژی دووشەممە لە تویتێکدا سەبارەت بە ناڕەزایەتییەکانی سەرتاسەری ئێران نووسیویەتی "جیهان چاودێری ئەو شتانە دەکات کە لە ئێران ڕوودەدەن".
ڕاوێژکاری ئاسایشی نیشتمانی ئەمەریکا لە درێژەی تویتەکەیدا نوسیوێتی" ئەم خۆپیشاندەرانە هاوڵاتی ئێرانین، ژنان و کچانی سەرکردەکانیانن، داوای کەرامەت و مافە سەرەتاییەکانیان دەکەن. ئێمە لەگەڵیانداین و لێپرسینەوە لەو کەسانە دەکەین کە توندوتیژیان بەرامبەر دەکەن بۆ بێدەنگکردنیان."
The world is watching what is happening in Iran. Over the weekend, innocent protestors including a young girl were shot dead. The President of Iran compared protestors to “flies.”
— Jake Sullivan (@JakeSullivan46) October 10, 2022
تاکو ئێستا ئەمەریکا، کەنەدا و بەریتانیا بە هۆی سەرکوتکردنی ناڕەزایەتییەکانەوە لە ئێران، چەند سزایەکیان بەسەر کۆماری ئیسلامیدا سەپاندووە و بڕیارە هەفتەی داهاتووش ئەنجوومەنی یەکێتیی ئەورووپا سزای هاوشێوە بەسەر ئەو وڵاتەدا بسەپێنێت.