وڵاتە یەکگرتووەکانی ئەمەریکا هێرشەکەی ڕۆژی یەکشەممەی نزیک شاری کەرکوک شەرمەزار دەکات کە بووە هۆی گیان لەدەستدانی ئەفسەرێک و هەشت پۆلیس.
باڵیۆزخانەی ئەمەریکا لە بەغدا ڕۆژی دووشەممە ڕۆژێک پاش هێرشەکە لە تویتێکدا ئەو هێرشەی شەرمەزار کرد و ڕایگەیاند " ئەمەریکا هێرشە تیرۆریستییەکەی دوێنێ لە نزیک کەرکوک شەرمەزار دەکات کە تیایدا بە لانیکەم 9 ئەندامی پۆلیسی فیدراڵی عێراقی کوژران. ئێمە پابەندین بە پاڵپشتی بەردەواممان لە هێزە ئەمنییەکانی عێراق بۆ دڵنیابوون لە شکستی هەمیشەیی داعش، بۆ ئەوەی چیتر مەترسی دروست نەکات."
The U.S. condemns yesterday’s terrorist attack near Kirkuk, which took the lives of at least nine Iraqi federal police members. We are committed to our continuing support of the Iraqi security forces to ensure the enduring defeat of ISIS, so that it no longer represents a threat.
— U.S. Embassy Baghdad (@USEmbBaghdad) December 19, 2022
سەر لە بەیانی ڕۆژی یەکشەمە، لە نزیک گوندی سەفرەی سەر بە ناحیەی ڕیازی باشوری کەرکوک، بۆمبێک بە هێزەکانی پۆلیسی فیدراڵیدا تەقییەوە، پاش تەقینەوەکە داعش هێرشی کردە سەر هێزەکەی پۆلیس شەڕو پێکدادان ڕوویدا، لە ئەنجامدا ئەفسەرێک و 8 پۆلیس گیانیان لەدەستدا.