بەڕێوەبەرایەتی فریاکەوتن و کارەسات لە تورکیا ناسراو بە (AFAD) تا ئێستا لە دوو بوومەلەرزەی بەهێزدا سێ هەزار و 703 کەس گیانیان لەدەستداوە.
هەروەها گوتیشی ژمارەی بریندارەکانیش لە 22 هەزار و 286 کەس زیاترن.
ئەمەش لە کاتێکدایە لە سوریاش بەلایەنی کەم بەلایەنی کەم 1600 کەس گیانیان لەدەستداوە.
سەڵاحەدین دەمیرتاش هاوسەرۆکی پێشووی پارتی دیموکراتی گەلان (هەدەپە) لە زیندانەوە زنجیرەیەک تویتی کردووە و ڕەخنە لە هەوڵەکانی فریاکەوتن دەگرێت و دەڵێت "گەورەترین چارەسەر هاودەنگی خۆبەخشانەی گەلە. ئێستا کاتی زیادکردنی هاودەنگی و هاوکارییە."
قسەکانی دەمیتاش لە کاتیکدایە خەڵکی شارۆچکەی پازارچک لە نزیک مەڕەش لە تورکیا گلەیی لە کەمتەرخەمی حکومەت دەکەن سەبارەت بە هەوڵەکانی ڕزگارکردنی قوربانیان کە ژمارەیەکیان تا ئێستاش لەژێر دارووپەردووی خانووەکاندا گیریان خواردووە.
بەشێکی زۆری ئەو ناوچانەی تورکیا کە بوومەلەرزەکە کاریتێکردووە ناوچە کوردنشینەکانی وڵاتەکەیە.
سەرۆکی تورکیا ڕەجەب تەیب ئەردۆغان ئەمڕۆ سێشەمەم ڕایگەیاند زنجیرەیەک ڕێوشوێنی بەپەلە دەگیرێتەبەر بۆ ناوچە زیانلێکەوتووەکان " ئێمە بڕیارمان دا باری نائاسایی ڕابگەیەنین تا دڵنیابین لەوەی کاری ڕزگارکردن و هاتنەوە سەرخۆ بە خێرایی ئەنجام بدرێت."
هەروەها گوتیشی حکومەتەکەی 50 هەزار کارمەندی فریاکەوتن ڕەوانەی ناوچەکە دەکات لەگەڵ هاوکاری 5 ملیار و 300 ملیۆن دۆلار.
تیمەکانی فریاکەوتن لە ئامەد تەرمی کچێکی تەمەن 6 ساڵ لە ژێڕ داروپەردووی باڵەخانەیەکی کە بەهۆی بوومەلەرزە بەهێزەکەی ڕۆژی دووشەممە ڕووخاوە، دەردە‌هێنن.
پەیامنێری دەنگی ئەمەریکا خەجیجان فارقین لە ئامەد دەڵێت پێش تەرمی ئەم کچە تەرمی خوشکەکەی دەرهێنرابوو.
ئامەد یەکێکە لەو شارانەی کە زیانێکی زۆری لێکەوتووە.
بەڕێوەبەرایەتی فریاکەوتن و کارەسات لە تورکیا ناسراو بە (AFAD) تا ئێستا لە دوو بوومەلەرزەی بەهێزدا چوار هەزار و 544 کەس گیانیان لەدەستداوە.
هەروەها گوتیشی ژمارەی بریندارەکانیش لە 26 هەزار و 721 کەس زیاترن.
ئەمەش لە کاتێکدایە لە سوریاش بەلایەنی کەم بەلایەنی کەم 1600 کەس گیانیان لەدەستداوە.