ژمارەی گیان لەدەستدانی ئاکامی بومەلەرزەکان لە تورکیا و سوریا گەیشتە نزیکەی 15900 کەس

هەواڵ و زانیارییەکانی پێشتر لە بارەی ئاکامی بومەلەرزەکانی تورکیا لەم لینکەدایە:

https://www.dengiamerika.com/a/6951170.html

دەزگای بەڕێوەبەردنی کارەسات و فریاگوزاری لە تورکیا ڕایگەیاند 7108 کەس لە ئاکامی بومەلەرزەکانەوە گیانیان لەدەستداوە و زیاتر لە 38 هەزار کەسی دیکە برینداربوون.

سەبارەت بە سوریاش، ڕوانگەی سوریا بۆ مافەکانی مرۆڤ بڵاویکردووەتەوە، هەتا ئێستا گیان لەدەستدانی زیاتر 2500 کەس لە سوریا پشتڕاستکراوەتەوە کە سەدانیان لە جەندەریسی عەفرینن.

دەزگای بەڕێوەبردنی کارەسات و فریاگوزاری تورکیا دەڵێت لە پاش بومەلەرزە بەهێزەکەی بەرەبەیانی ڕۆژی دووشەممە، هەتا ئەمڕۆ چوارشەممە 648 بومەلەرزەی دیکە ڕوویانداوە.

ڕوانگەی سوریا بۆ مافەکانی مرۆڤ ڕایگەیاند گیان لەدەستدان لە سوریا بەهۆی بومەلەرزەکان گەیشتە زیاتر لە 2750 کەس.