پرسیار لە کاندیدەکان کرا سەبارەت پرسی بە کۆچبەری و سنوورەکانی وڵات
دانۆڵد ترامپ سەرۆکی پێشووی ئەمەریکا گازندەی ئەوەی کرد کە ئەو کۆچبەرانەی بە شێوەیەکی نایاسایی دەگەنە وڵاتەکە لە "هۆتێلە گرانبەهاکاند" نیشتەجێ دەکرێن لەکاتێکدا سەربازە دێرینەکان لەسەر شەقامن.
هەروەها وەک چاوەڕوان دەکرا زۆر پشتی بە باسکردنی تاوانەکانی کۆچبەران بەست. هەروەها وتی کۆچبەران بە شێوەیەکی نایاسایی لە "نەخۆشخانە دەروونییەکانەوە" دێنە ئەمەریکا. بەڵگەی بۆ ئەو ئیدیعایە نەخستۆتەڕوو، کە زۆرجار لە گردبوونەوە جەماوەرییەکانیشدا باسی کردووە.
ترامپ هەروەها گوتیشی "پارێزراوترین سنووری لە مێژوودا" هەبووە – ئەمەش قسەیەکە زۆر پرسیاری لەسەرە و جێگای مشتومڕە.
سەرۆک جۆو بایدن پابەندە بە قسەکانی خۆیەوە سەبارەت بە کۆچبەری و تیشکی خستە سەر دابەزینی 40%ی دەستگیرکردنەکان بەهۆی کۆچبەری نایاسایی لە دوای دەرکردنی فەرمانی سەرۆکایەتی بۆ ڕاگرتنی مافی پەنابەری.
ئەو هەوڵدەدات زەمینەسازی لەسەر کۆچبەری بەدەستبهێنێت، کە لە ئاستی نیشتمانیدا وەک خاڵێکی سەرەکی گرنگی پێدەدرێت، نەک تەنها لەنێو کۆمارییەکان.
بەپێی ڕاپرسییەکی AP-NORC ی مانگی شەش، تەنها 3 لە هەر 10 ئەمەریکاییەک مامەڵەکردنی بایدن لەگەڵ بابەتی کۆچبەری پەسەند دەکەن. نزیکەی 6 لە هەر 10 دیموکراتێک ڕێبازی بایدن بۆ ئەم پرسە پەسەند دەکەن، بەڵام تەنها نزیکەی 2 لە هەر 10 سەربەخۆ و کەمتر لە یەک لە هەر 10 کۆمارییەکان هاوڕان.
ئاژانسی ئەسۆشێیتد پرێس
ترامپ دەڵێت کەمکردنەوەی باج لە ساڵی 2017 هۆکارێکە بۆ هەستانەوەی ئابووری لە دوای پەتاکە. ئابووریناسان ئەو 6 تریلیۆن دۆلارەی پێکێجی خەرجییەکانی بە هۆکار دەزانن کە لە سەردەمی هەردوو ترامپ و بایدن پەسەندکرابوو.
پرسی لەباربردنی منداڵ
سەرۆک بایدن وتی سەرۆکی پێشوو ترامپ تاوانبارە بۆ شەپۆلی سنووردارکردنی لەباربردنی منداڵ لە ویلایەتەکاندا لە دوای کەوتنی دۆسیەی ڕۆ دژی وەیدەوە.
لە کاتێکدا سەرۆک ترامپ، سێ دادوەری بۆ دادگای باڵای ئەمەریکا دەستنیشان کرد کە یارمەتی پێکهێنانی زۆرینەیان دا کە مافی دەستووری لەباربردنی منداڵیان هەڵوەشاندەوە - و لە کاتی هەڵمەتی هەڵبژاردنەکانیدا شانازیشی پێوە کردووە.
تیشک خستنە سەر پەیوەندییەکانی ترامپ بە هەڵوەشاندنەوەی بڕیاری ڕۆ دژی وەید و کاریگەرییەکانی لەسەر کەسانی دووگیان لە سەرانسەری ئەمەریکا بووەتە خاڵێکی سەرەکی هەڵمەتی هەڵبژاردنی بایدن. بایدن هەروەها هۆشداری داوە کە دووهەم خولی ترامپ دەتوانێت ببێتە هۆی سنووردارکردنی لەباربردنی منداڵ لە سەرانسەری وڵات.
ئاژانسی ئەسۆشیەیتت پرێس: ترامپ و بایدن چەندین هەڵە لە ڕاستییەکاندا دەکەن
هەردوو جۆو بایدن و دانۆڵد ترامپ چەندین هەڵەیان لە ڕاستییەکاندا کردووە لەکاتێکدا مشتومڕەکە لە شەوی پێنجشەممە کاتژمێر 9ی شەو بە کاتی واشنتن دەستیپێکرد.
بایدن بە هەڵەیەک دەستی بە مشتومڕەکەی کرد و گوتی 15 هەزار دەرفەتی کاری ڕەخساندووە. ژمارەی دروست زیاتر لە 15 ملیۆنە، ئەمەش بە شێوەیەکی بەرچاوە کەمکردنەوەی ژمارەکانە لەلایەن کەسێکەوە کە هەوڵدەدات متمانەی دەنگدەران بە بۆ سەرکردایەتی ئابوورییەکەی نوێ بکاتەوە.
هەروەها بایدن گوتی " دەرزی ئینسۆلین بە 15 دۆلارە، لە بری 400 دۆلار". بەڵام تێچووی ئینسولین بۆ هەر ئەمەریکاییەکی کە لە بەرنامەی میدیکێردان بە پێی یاسایەک لە ساڵی 2022 کە سەرۆک جۆو بایدن واژۆی کرد بۆ 35 دۆلار سنووردار کراوە، ئەمەش سەرباری بیمەی تەندروستییەکەیان پێویستە ئەم برە لە گیرفانی خۆیان بدەن. ئەو سنوورە ساڵی ڕابردوو کەوتە بواری جێبەجێکردنەوە، کاتێک زۆرێک لە کۆمپانیاکانی دەرمانسازی ڕایانگەیاند کە نرخی دەرمانەکە بۆ 35 دۆلار دادەبەزێنن بۆ زۆربەی بەکارهێنەرانی بیمەی تایبەت.
ترامپ گوتی ئابووری ئەمەریکا ئامادە بوو لە پێش پەتاکە دەست بکات بە دانەوەی قەرزە نیشتمانییەکانی. ئه‌وه ڕاست نییه. کورتهێنانی بودجە لە سەردەمی ترامپدا زیادی دەکرد، چونکە کەمکردنەوەی باجەکانی لە ساڵی 2017دا داهاتی ئەوتۆی بەدەست نەهێنا کە بتوانێت تێچوونەکانیان دابین بکات، سەرەڕای بەڵێنەکانی. بەپێی نووسینگەی بەڕێوەبردن و بودجەی کۆشکی سپی.بودجەی ئەو ساڵەی ترامپ 585 ملیار دۆلار کورتی هێنا و لە ساڵی 2019دا بۆ 984 ملیار دۆلار بەرزبووەتەوە، تەنها لە ساڵی 2020دا دوای پەتاکە گەیشتە سەرووی سێ تریلیۆن دۆلارەوە.
هەروەها ئەو بانگەشەیەشی کە گوتی "ملیۆنان کەس" لە زیندان و دامەزراوە دەروونییەکان وەرگیراون بۆ وڵاتەکە، بێ بەڵگەیە. هیچ بەڵگەیەک لەسەر ئەوە نییە.