سەرۆکی ئێران ئیبراهیم ڕەئیسی لە کەوتنەوە خوارەوەی هێلیکۆپتەرەکەیدا لە ناوچەیەکی شاخاوی لە نزیک سنووری ئازربایجان گیانی لە دەستدا.
سەرۆکی ڕووسیا ڤلادیمیر پوتن لە پەیامێکدا سەبارەت بە مەرگی ڕەئیسی وتی " سەید ئیبراهیم ڕەئیسی سیاسەتمەدارێکی سەرسوڕهێنەر بوو کە هەموو ژیانی خۆی بۆ خزمەتکردنی نیشتیمانەکەی تەرخان کردبوو."
وتیشی " وەکو دۆستێکی ڕاستەقینەی ڕووسیا، یارمەتیدەر بووە لە گەشەدان بە پەیوەندییە باشە دراوسێییەکانی نێوان دوو وڵاتەکەمان و هەوڵی گەورەی داوە بۆ پەرەدان بەو پەیوەندییانە بۆ ئاستی هاوبەشیی ستراتیژیی."
لەلایەکی دیکەوە سەرۆکی تورکیا ڕەجەب تەیب ئەردۆغان لە ئێکس نوسیویەتی " وەکو هاوەڵێک کە بە تایبەتی هەوڵەکانی ئەوم بینیوە بۆ ئاشتی گەلی ئێران و ناوچەکەمان لە ماوەی دەسەڵاتەکەیدا، بە ڕێز و سوپاسگوزارییەوە یادی بەڕێز ڕەئیسی دەکەمەوە."
سەرچاوە/ ڕۆیتەرز
