سەرۆک کۆماری عێراق دکتۆر لەتیف ڕەشید لە یەکەم سەردانیدا وەکو سەرۆکی وڵاتەکە گەیشتە هەولێری پایتەختی هەرێمی کوردستان و لەوێ لەلایەن نێچیرڤان بارزانی سەرۆکی هەرێم و شێخ جەعفەر شێخ مستەفا جێگری سەرۆکی هەرێمەوە پێشوازی لێکرا.
سەرۆکایەتی کۆماری عێراق لە تویتێکدا باس لە سەردانە فەرمییەکەی سەرۆکی نوێی عێراق بۆ هەرێمی کوردستان و کۆبونەوەی لەگەڵ سەرۆکی هەرێم دەکات و دەڵێت " لە میانەی دیدارەکەدا تاوتوێی بارودۆخی گشتی لە عێراق کرا، وە جەخت کرایەوە سەر گرنگی گفتوگۆی بنیاتنەر بە مەبەستی یەکلاکردنەوەی کێشە هەڵپەسێردراوەکانی نێوان حکومەتی فیدراڵی و حکومەتی هەرێمی کوردستان بەپێی دەستور."
التقى فخامة رئيس الجمهورية @LJRashid ،في مدينة أربيل، رئيس إقليم كردستان @IKRPresident . وجرى خلال اللقاء بحث الأوضاع العامة في العراق، وتم التأكيد على أهمية الحوار البنّاء من أجل حسم المسائل العالقة بين الحكومة الاتحادية وحكومة إقليم كردستان وفق الدستور . pic.twitter.com/DOwcEO7eTS
— رئاسة جمهورية العراق (@IraqiPresidency) November 15, 2022
نێچیرڤان بارزانیش لە تویتێکدا جگە لە خۆشحاڵی دەربڕین بەرامبەر بە سەردانەکەی دکتۆر لەتیف ڕەشید دەشڵێت " پابەندبوونی خۆمم دووپاتکردەوە بۆ چارەسەرکردنی کێشە هەڵپەسێردراوەکانی نێوان هەرێم و بەغدا، هەروەها پشتگیری خۆمم بۆ هەوڵەکانی سەرۆک کۆمار دووپاتکردەوە لە چارەسەرکردنی ئەو کێشانەی کە ڕووبەڕووی وڵات دەبنەوە."
I’m delighted to receive Dr @LJRashid, on his 1st visit to Erbil as the president of Iraq. I reiterated my commitment to resolving outstanding issues between the Kurdistan Region and Baghdad, and reaffirmed my support to President’s efforts in addressing issues facing the country pic.twitter.com/gUihTsYGXW
— Nechirvan Barzani (@IKRPresident) November 15, 2022
سەرۆک وەزیری هەرێم مەسرور بارزانیش پێشوازی لە سەرۆکی عێراق کرد لە کۆبونەوەکەیاندا گفتوگۆ لەسەر چەند تەورێک کراوە. حکومەتی هەرێمی کوردستان دەڵێت "لە کۆبوونەوەکەدا گفتوگۆ دەربارەی دوایین گۆڕانکاری و پێشهاتەکانی عێراق و ناوچەکە و گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی، بە شێوەیەکی بنەڕەتی و لە سەر بنەمای دەستوور و لە چوارچێوەی کارنامەی وەزاری حکومەتی نوێی فیدراڵی کرا."
لە کۆبوونەوەکەدا، جەخت لەوە کرایەوە کە شاندێکی حکومەتی ھەرێمی کوردستان سەردانی بەغدا دەکات، بەمەبەستی دەستپێکردنەوەی گفتوگۆ و دانوستان لەبارەی چارەسەرکردنی کێشەکانhttps://t.co/WRfA2yYcUj
— Kurdistan Regional Government (@Kurdistan) November 15, 2022
یاسای نەوت و غاز، بودجە و بڕیارەکەی دادگای فیدڕاڵی عێراق بۆ نایاسایی بوونی پرۆسەی نەوت و غازی هەرێمی کوردستان بەشێکن لەو کێشانەی بە هەڵپەسێردراوی لە نێوان بەغدا و هەولێر ماونەتەوە و بڕیارە حکومەتی عێراق و هەرێم لە داهاتوویەکی نزیکدا گفتوگۆیان لەسەر بکەن.
پاش کۆبونەوەکەی لەگەڵ سەرۆکی هەرێم، سەرۆکی عێڕاق سەردانی پیرمامی کرد و لەوێ لەگەڵ مەسعود بارزانی سەرۆکی پارتی دیموکراتی کوردستان و سەرۆکی پێشووی هەرێم کۆبۆوە.
ماڵپەڕی فەرمی بارزانی سەبارەت بە کۆبونەوەکەی مەسعود بارزانی و دکتۆر لەتیف ڕەشید دەڵێت " لە دیدارەکەدا بارودۆخی سیاسیی عێراق و پێشهاتەکانی ناو پڕۆسەی سیاسی و هەنگاوەکانی حکوومەتی تازەی عێراق تاوتوێ کرا و هەردوولا پاڵپشتیی خۆیان بۆ حکوومەتی عێراق و جێبەجێکردنی بەرنامەکەی حکوومەت دووپات کردەوە.
هەر لەو دیدارەدا ڕۆشنایی خرایە سەر پەیوەندییەکانی عێراق و وڵاتان و کۆمەڵگەی نێودەوڵەتی و جەخت لە ڕۆڵ و پێگەی عێراق لە ناوەندە هەرێمی و نێودەوڵەتییەکان کرایەوە. هەروەها ئەوەش خرایە ڕوو کە پێویستە گرفتەکان دوور لە زمانی هەڕەشە و لەسەر بنەمای دیالۆگ چارەسەر بکرێن."
چاوەڕوان دەکرێت سەرۆک کۆماری عێراق لە میانەی ئەم سەردانەیدا بۆ هەرێمی کوردستان بەشداری لە کۆڕبەندی ئاشتی و ئاسایشی ڕۆژهەڵاتی ناوەڕاست لە زانکۆی ئەمەریکی لە دهۆک بکات.