ئەلێکساندەر وارد لە پۆلیتیکۆ ئاماژە بەوە دەکات، "بڕێکی سەرسوڕهێنەر لە سیاسەتی دەرەوە لە کاتژمێری یەکەمدا، و لەوەش سەرسوڕهێنەرتر ئەوەبوو کە پێش ئۆکرانیا باس لە ئەفغانستان کرا. بەڵام لەوەش سەیرتر ئەوەبوو کە چین - ئەو وڵاتەی هەردوو پیاوەکە بە گەورەترین هەڕەشەی ئەمەریکای دەزانن- بە ئاستمە باس کرا. ڕەنگە ئەوەش لەبەر ئەوەی کە هەردووکیان بەگشتی لەسەر پێویستی بەرەنگاربوونەوەی چین لە دەریای باشووری چین و کایەی تەکنەلۆژیا و شەڕ بۆ سەرکردایەتی جیهان هاوڕان".
بۆ یەکەمجار باسی تاوانبارکردنی ترامپ لە دۆسێی پێدانی پارە بۆ بێدەنگکردن،کرا
نزیکەی 45 خولەک بەسەر دیبەیتەکەدا تێپەڕبوو، سەرۆک جۆو بایدن ئاماژەی بە سزادانی ئەم دواییەی دۆناڵد ترامپ سەرۆکی پێشووی ئەمەریکا لە نیویۆرک کرد.
لە میانی مشتومڕێکدا سەبارەت بە یاخیبوونەکەی 6ی یەکی 2021، بایدن وتی "تاکە کەسێک لەم قۆناغەدا کە تاوانبارێکی سزادراوە ئەو پیاوەیە کە ئێستا سەیری دەکەم"، ئاماژەی بە ترامپ کرد.
پاشان ترامپ هەوڵیدا باسەکە لەسەر کێشە یاساییەکانی خۆی لادات و باس لە هانتەری کوڕی بایدن بکات وەک "تاوانبارێکی سزادراو".
ئەو ئاماژەی بە تاوانبارکردنی هەنتەر بایدن کرد لەم مانگەدا بە سێ تۆمەتی چەک هەڵگرتن. هەروەها ترامپ ئیدیعای درێژخایەنی پەیوەست بە بایدن و ئۆکرانیا دووبارە کردەوە، کە زۆری جار بووەتە خاڵی هێرشی کۆمارییەکان
سەرچاوە: ئاژانسی ئەسۆشیەیتد پرێس
سەرۆکی بایدن: " تۆ ئەخڵاقی پشیلەیەکی بەرەڵات هەیە."
سەرۆکی پێشوو ترامپ: " من سێکسم لەگەڵ ئەکتەری فیلمی پۆرندا نەکردووە ئەمە ڕاست نییە."
کێ دەتوانێت قەیرانی سنووری نێوان ئەمەریکا و مەکسیک چارەسەر بکات؟
لە میانی دیبەیتەکەی شەوی پێنجشەممە لەسەر هەینی جەیک تاپەر لە کەناڵی سی ئێن ئێن سەبارەت بە کۆچبەری پرسیاری لە کاندیدەکان کرد و وتی "بۆچی دەبێت دەنگدەران متمانەتان پێ بکەن بۆ چارەسەرکردنی ئەم قەیرانە؟"
لە کاتێکدا لە مانگی 12 ژمارەیەکی پێوانەیی لە کۆچبەران بە شێوەیەکی نایاسایی سنووری باشووریان بەزاندووە، بەڵام لەو کاتەوە ژمارەکان کەمبوونەتەوە. هۆکارێک بۆ ئەوەش فەرمانێکی سەرۆکایەتییە کە بایدن لە سەرەتای مانگی شەش ڕایگەیاندبوو کە بە شێوەیەکی کاتی مافی پەنابەری لە سنوورەکانی ئەمەریکا و مەکسیک سنووردار دەکات هەرکاتێک ژمارەی ئەو کۆچبەرانەی کە بە شێوەیەکی نایاسایی یان بەبێ مۆڵەت دەپەڕنەوە بگاتە تێکڕای ڕۆژانەی 2500 کەس.
جۆو بایدن ڕایگەیاند بەڕیوەبەرایەتییەکەی کار بۆ گۆڕینی دۆخی سنوورەکە دەکات.
بایدن وتی"ئێمە زۆر کارمان کرد بۆ بەدەستهێنانی ڕێککەوتنێکی دوولایەنە کە نەک تەنها هەموو ئەو شتانەی گۆڕی ... من بە شێوەیەک گۆڕیم کە ئێستا لە دۆخێکداین کە 40% کەمتر خەڵک بە شێوەیەکی نایاسایی دێنە ئەمدیوی سنوورەوە."
بایدن باسی لە فەرمانی سەرۆکایەتی مانگی شەش کرد کە ئامانجی کۆچی نایاسایی بوو.
ترامپ بە تاوانبارکردنی بایدن وەڵامی دایەوە بۆ لابردنی بەندی 42، سیاسەتێکی تەندروستی گشتی کە ڕێگەی بە ئەمەریکا دەدا بە خێرایی کۆچبەران بۆ وڵاتی ڕەسەنیان یان شارۆچکە سنوورییەکانی مەکسیک بگێڕێتەوە ئەو فەرمانە لە سەردەمی پەتای کۆڤیددا بوو.
ترامپ گوتی "بڕیاریدا سنوورەکەمان بکاتەوە، وڵاتەکەمان بکاتەوە بەڕووی ئەو کەسانەی کە خەڵکی زیندانەکانن، کەسانێک کە خەڵکی نەخۆشخانە دەروونییەکانن."
پاسەوانانی سنووری ئەمەریکا ڕۆژی چوارشەممە ڕووبەڕووی کەمتر لە 2400 کۆچبەر بوونەتەوە، کە لە سەرەتای مانگی شەشدا ئەو ژمارەیە 3800 کەس بوو.